اسلام آباد(صباح نیوز) وزیر ریلوے محمد حنیف عباسی سے پاکستان میں تعینات ابوظہبی کے سفیر احمد الطحیری نے وزارت ریلوے میں ملاقات کی۔ملاقات میں یو اے ای کے سفیر نے وفاقی وزیر حنیف عباسی کو منصب سنبھالنے پر مبارکباد پیش کی۔ ابوظہبی کے سفیر احمد الطحیری نے نیک خو اہشات کا اظہار کیا۔
ابو ظہبی کے سفیر نے کچھی بولان میں پنیر ریلوے اسٹیشن کے قریب دہشت گردوں کا کوئٹہ سے پشاور جانے والی جعفر ایکسپریس پر حملہ،ٹرین کو ہائی جیک کرنے کے بعد مسافروں کو یرغمال بنانے پر بھی اظہارافسو س کیا۔ملاقات کے دوران دونوں ممالک کے تعلقات اور ریلوے پروجیکٹس کے حوالے سے بھی بات چیت ہوئی۔پاکستان اورابو ظہبی کے درمیان تمام شعبوں میں تعلقات میں مزید بہتری پید ا ہو رہی ہے۔
ابوظہبی کے سفیر احمد الطحیری نے کہا پاکستان اورابو ظہبی کی دو ستی لازاول ہے۔ ابوظہبی اور پاکستان کے درمیان اخوت اور محبت کے رشتہ بہت مضبوط ہیں ۔وزیر ریلوے نے کہاکہ پا کستان ریلویز مستقل طور پر ملکی اور بین لاقوامی سپلائرز کے ساتھ طویل مدتی معاہدوں کے ذریعے اپنے کسٹمرز کو بہتر بنانے میں کوشاں ہے۔ پاکستان کے کاروبار کے لئے دوست ماحول ہے۔جس ایران سرمایہ کاروں کو فائدہ اٹھانے کی ضرورت ہے۔ پاکستان اور ابو ظہبی کے ساتھ تجارتی تعلقات کو بہتر بنانے خواہاں ہے۔ملاقات کے دوران دونوں ممالک کے دو طرفہ معاملات کے امور اور ریلوے کے حوالے سے بھی زیر بحث آئے۔
دونوں رہنماوں نے دوطرفہ تعاون جاری رکھنے اور اسے وسعت دینے پر بھی اتفاق کیا۔قبل ازںوزیر ریلوے محمد حنیف عباسی سے سابق وزیر ریلوے شاہد اشرف تارڈنے بھی ملاقات کی ۔ انہوں نے امید ظاہر کی کہ حنیف عباسی کی قیادت میں پاکستان ریلوے مزید ترقی کرے گا اور عوام کو بہتر سفری سہولیات فراہم کی جائیں گی۔وفاقی وزیر ریلوے حنیف عباسی نے شاہد اشرف تارڈ کی خدمات کو سراہتے ہوئے کہا کہ ریلوے کے استحکام اور بہتری کے لیے سابقہ قیادت کا تجربہ اور رہنمائی نہایت اہم ہے۔ انہوں نے ریلوے کے جاری منصوبوں اور آپریشنل امور پر تبادلہ خیال کیا اور اس عزم کا اظہار کیا کہ تمام اسٹیک ہولڈرز کے تعاون سے ریلوے کو جدید تقاضوں سے ہم آہنگ کیا جائے گا۔
