شمالی کشمیر میں بھارتی فوجی آپریشن ، ایک کشمیری نوجوان شہید

سرینگر( صبا ح نیوز) شمالی کشمیر میں قابض بھارتی فوج نے ضلع کپواڑہ علاقے میں فوجی آپریشن کے دوران ایک کشمیری نوجوان کو شہید کر دیا۔ قابض فوج نے نوجوان کوضلع کے علاقے زچلڈارہ میں محاصرے اور تلاشی کی ایک پر تشددکارروائی کے دوران شہید کیا۔بھارتی پولیس کے ایک افسر نے صحافیوں سے بات کرتے ہوئے دعوی کیا ہے کہ تلاشی آپریشن کے دوران ایک عسکریت پسند مارا گیا جس کی شناخت ابھی تک نہیں ہو سکی ہے۔آخری اطلاعات آنے تک علاقے میں فوجی آپریشن جاری تھا۔