بنوں (صباح نیوز)بنوں میں نامعلوم افراد کی فائرنگ سے پولیس اہلکار جاں بحق ہو گیا ۔پولیس کے مطابق بنوں کے تھانہ کینٹ کے علاقے ممش خیل میں نامعلوم افراد نے فائرنگ کردی جس کے نتیجے میں پولیس اہل کار جاں بحق ہو گیا۔
فائرنگ کے بعد ملزمان فرار ہونے میں کامیاب ہو گئے،پولیس اہلکار کو ڈیوٹی پر جاتے ہوئے نشانہ بنایا گیا۔واقعہ کی اطلاع ملتے ہی پولیس کی نفری جائے وقوع پر پہنچی اور شواہد اکٹھے کرکے لاش کو ہسپتال منتقل کیا۔
پولیس نے ملزمان کی گرفتاری کے لئے چھاپے مارنا شروع کردیئے ۔
