لاہور (صباح نیوز)سموگ کنٹرول پروگرام کے تحت پنجاب بھر میں مشینی کاشت کے تاریخی دور کا آغاز کردیا گیاـوزیر اعلیٰ مریم نواز شریف نے ملکی تاریخ میں پہلی مرتبہ اور سب سے بڑا سپر سیڈر پراجیکٹ لانچ کر دیاـوزیر اعلیٰ مریم نواز شریف نے رائس ریسرچ انسٹیٹیوٹ کالا شاہ کاکو میں کاشتکاروں کو سپر سیڈر کی تقسیم کا باقاعدہ آغاز کیاـوزیر اعلیٰ مریم نواز شریف نے اس موقع پر ہر تحصیل میں جدید زرعی آلات رینٹل سروسز شروع کرنے کا اعلان کیا اور 60 ـدن میں کاشت کار کو زیرو پرافٹ پر جدید زرعی آلات کی رینٹل سروس شروع کرنے کا ٹارگٹ ہےـ
وزیراعلی مریم نوازشریف نے تقریب سے خطاب کرتے ہوئے کہاکہ ترقی کا راستہ کھیت سے گزرتا ہے۔ پاکستان مسلم لیگ (ن) کی ہوا چل پڑی۔ کام کرنا مسلم لیگ (ن) کے سوا کسی کو نہیں آتا۔وزیراعلیٰ مریم نوازشریف نے بتایاکہ پورے پنجاب میں تین سو سپر سیڈر تھے جن میں آج مزید ایک ہزار شامل ہوچکے ہیں، پانچ سال میں پانچ ہزار سپرسیڈر ہونگے۔ 13لاکھ کا سپر سیڈر لینے کے لئے کاشت کار کو 5ـلاکھ دینے ہونگے۔8ـ لاکھ حکومت دے گی۔ سپر سیڈر کے استعمال سے ماحول آلودہ نہیں ہوگا۔ وزیراعلی مریم نوازشریف نے کہاکہ سموگ سے بہت سی بیماریاں پھیلتی ہیں اسی لئے سموگ کو ختم کرنے میں عوام کا بھرپور تعاون ضروری ہے۔سیٹلائٹ مانیٹرنگ کے ذریعے چمنی سے دھواں دیکھ کر فوری ایکشن ہو تا ہے۔
وزیراعلیٰ مریم نوازشریف نے مزید بتایا کہ کاشتکاروں کو جدید ترین زرعی آلات 60فیصد سبسڈی پر دینگے۔ کسان کارڈ سے کاشتکار دس ارب کے زرعی مداخل خرید چکا ہے۔ وزیراعلیٰ مریم نوازشریف نے خطاب کرتے ہوئے کہاکہ سڑکیں اور انفراسٹرکچر بننے سے ترقی کا آغاز ہوتا ہے۔ جنگلا بس کہنے والوںنے خود میٹرو کا ناکام پراجیکٹ بنایا جسے روز آگ لگ جاتی تھیـوزیراعلی مریم نوازشریف نے کہاکہ کشمیر سے لوگ پنجا ب میں سستی روٹی اور مہنگائی کم ہونے کی وجہ سے آرہے ہیں۔ مہنگائی کم کرنے کے لئے دل میں عوام کا درد ہو نا ضروری ہے۔ گالی دینے سے پیٹ نہیں بھرتا،دن رات کام کرنے سے ہی عوام کے مسئلے حل ہوتے ہیں۔ انہو ںنے کہاکہ 26 ویںترمیم اور چیف جسٹس کو نہ ماننے والے تقریب حلف برداری میں پہلے آکربیٹھے تھے۔ اب چپ کر کے گھر بیٹھ جائوں، اب تم نے اقتدار میں نہیں آنا۔تقریب کے دوران ایک بزرگ کاشتکارکسان کارڈ کے اجرا پر وزیر اعلیٰ مریم نواز کا شکریہ ادا کرنے پہنچ گئے، سرپر ہاتھ رکھ کر اظہار شفقت کیا، مدینہ سے لائی چادر بھی پہنائیـ بزرگ کاشتکار نے کہاکہ دھی رانی مریم نواز شریف نے پنجاب اور پنجاب کے کاشتکار کا سر بلند کر دیا ـ
وزیراعلی مریم نوازشریف نے کہاکہ پہلا گرین ٹریکٹر بھی نواز شریف نے دیا، کسان کارڈ کی وجہ آڑھتی کے جبر سے بچ گئے۔ وزیر اعلیٰ مریم نواز شریف نے سینئر منسٹر مریم اورنگزیب، وزیر زراعت عاشق حسین اور سیکرٹری زراعت افتخار سہو کی کاوشوں کو سراہا ـقبل ازیںوزیر اعلیٰ مریم نواز شریف نے کاشتکاری کیلئے جدید ترین زرعی مشینری اور آلات کی نمائش دیکھیـ وزیراعلیٰ مریم نواز شریف نے دھان کی باقیات کو تلف کرنے والے رائس ہارویسٹر کا معائنہ کیاـایگریکلچر ڈیپارٹمنٹ کو رائس ہارویسٹر پنجاب میں متعارف کرانے اور رینٹل سروسز فراہم کرنے کی ہدایت کی ـوزیر اعلیٰ مریم نواز شریف نے پنیری کاشت کرنے کے لیے رائس ٹرانسپلانٹر میں دلچسپی کا اظہارِکیاـوزیر اعلیٰ مریم نواز شریف نے رائس نرسری ریزنگ مشین، مکینکل شیلر کا بھی معائنہ کیاـ پٹیٹوپلانٹر، شوگر کین پلانٹر، شوگر کین رجر، ویٹ بیڈ اینڈ فرودرل، مکء شیلر کی نمائش دیکھی ـوزیر اعلیٰ مریم نواز شریف نے گندم کی سٹی کو توڑی میں بدلنے والے ویٹ سٹراچاپر، کلکٹر میں اظہار دلچسپی کیاـبوم سپرئیر، پارو سپرئیر، ڈیسک پلو اور ویٹ ریپر اور دیگر جدید زرعی آلات کا معائنہ کیاـوزیر اعلیٰ مریم نواز شریف نے موثر سپرے کیلئے ڈرون سپرئیر کی فراہمی کا جائزہ لینے کا حکم دیاـصوبائی وزیر زراعت عاشق حسین کرمانی نے بھی خطاب کیا، اغراض ومقاصد بیان کئےـسیکرٹری زراعت افتخار سہو نے سموگ کنٹرول پروگرام لے تحت سپر سیڈر پراجیکٹ کی تفصیلات بیان کیں
