مانسہرہ (صباح نیوز)مانسہرہ میں مسافر بس الٹنے سے 5 افراد جاں بحق اور18زخمی ہوگئے۔
ریسکیو حکام کے مطابق مانسہرہ میں کلگان موڑ کے مقام پر مسافر بس الٹ گئی جس کے نتیجے میں 5 افراد جان کی بازی ہار گئے جبکہ 18 سے زائد زخمی ہیں، حادثے کا شکار بس گلگت سے راولپنڈی آ رہی تھی۔حکام کے مطابق مسافر بس کو حادثہ تیز رفتاری کے باعث پیش آیا۔
مقامی افراد، ریسکیو اور پولیس اہلکاروں نے جاں بحق اور زخمیوں کو کنگ عبداللہ ہسپتال مانسہرہ منتقل کیا،کئی زخمیوں کی حالت تشویشناک ہے ،اموات میں اضافے کا خدشہ ہے ، زخمی مسافروں میں خواتین اور بچے بھی شامل ہیں، جاں بحق مسافروں میں عبداللہ، شفقت اللہ، بخت اللہ، فاروق شامل ہیں۔پولیس نے کہا کہ بس ہزارہ موٹروے پر ڈرائیور سے بے قابو ہو کر الٹی۔
