اسلام آباد(صباح نیوز)دفتر خارجہ کی ترجمان ممتاز زہرہ بلوچ نے شنگھائی تعاون تنظیم (ایس سی او) میڈیا فیسیلیٹیشن سینٹر کا دورہ کیا اور مقامی اور بین الاقوامی میڈیا کی سہولت کے لیے کیے جانے والے مختلف انتظامات کا جائزہ لیا۔دفتر خارجہ کی ترجمان کو پرنسپل انفارمیشن آفیسر (پی آئی او) مبشر حسن نے ڈیجیٹل لائبریری،
میڈیا فیسیلیٹیشن روم، سٹوڈیو اور میڈیا روم سمیت مختلف سہولیات کے بارے میں بریفنگ دی۔ دورے کے دوران غیر ملکی میڈیا کے صحافیوں نے دفتر خارجہ کی ترجمان سے بات چیت بھی کی۔ دریں اثنا سابق نگران وزیراعظم سینیٹر انوار الحق کاکڑ نے بھی میڈیا فیسیلیٹیشن سینٹر کا دورہ کیا اور مقامی اور غیر ملکی میڈیا کے صحافیوں سے بات چیت کی۔۔
