بہاولنگر(صباح نیوز) گڈز ٹرانسپورٹ کے ساتھ ساتھ سیمنٹ ڈیلرز نے بھی ہڑتال کردی۔
ہڑتال کے باعث سیمنٹ کی بوری کی قیمت 2000روپے سے تجاوز کرچکی ہے، ایف بی آر سیمنٹ ڈ یلرز کے درمیان ہونے والے مذاکرات ناکام ہونے کے باعث ڈیلرز نے فیکٹریوں سے سیمنٹ اٹھانے سے انکار کردیا ہے۔
سیمنٹ ڈ یلرز کے اس فیصلے سے خزانے کو جہاں کروڑوں کا نقصان ہوگا اس سے تعمیراتی کام رکنے سے خزانے پر بوجھ بڑھے گا۔ خزانہ پہلے ہی خالی ہے رہی سہی کسر مختلف اداروں کی جانب سے کی جانے والی ہڑتال نے پوری کردی ہے اور گڈز ٹرانسپورٹ کے علاوہ سیمنٹ ڈیلرز کی ہڑتال قومی خزانے کیلئے تباہ کن ہوگی۔
