اسلام آباد (صباح نیوز)وزیراعظم کے مشیر برائے سیاسی امور رانا ثناء اللہ نے کہا ہے کہ خیبرپختونخوا حکومت وہی کرے گی جو وفاق کہے گا ، پی ٹی آئی کا جھگڑا شروع سے ہی اسٹیبلشمنٹ سے ہے،پی ٹی آئی اپنے دور حکومت میں اپوزیشن کو ختم کرنا چاہتی تھی، جب ان کا اسٹیبلشمنٹ نے ساتھ نہیں دیاتو کہنے لگے میرجعفر، میرصادق ہیں، ۔پارلیمنٹ ہائوس کے باہر میڈیا سے گفتگو میں رانا ثنا اللہ نے کہا کہ خیبرپختونخوا حکومت وہی کرے گی جو وفاق کہے گا،
وزیراعلیٰ کے پی تیس مار خان ہیں۔ علی امین گنڈا پور ہوائی فائرنگ کر رہا ہے اسے کرنا کچھ نہیں ہے۔انہوں نے کہا کہ اگر پی ٹی آئی سے اسٹیبلشمنٹ بات کرتی ہے تو کرے ہم نے کب روکا ہے، ان کا جھگڑا شروع سے ہی اسٹیبلشمنٹ سے ہے۔ا نہوںنے کہا کہ پی ٹی آئی اپنے دور حکومت میں اپوزیشن کو ختم کرنا چاہتی تھی، جب ان کا اسٹیبلشمنٹ نے ساتھ نہ دیا تو کہنے لگے میرجعفر، میرصادق ہیں، پی ٹی آئی کا جھگڑا یہی ہے اسٹیبلشمنٹ مداخلت کرے۔
