لاہور(صباح نیوز)لاہور میں پبلک ٹرانسپورٹرز نے پٹرولیم مصنوعات کی قیمتوں میں کمی کے بعد کرایوں میں کمی کا اعلان کردیا۔لاہور میں کرایوں میں کمی کا فیصلہ آل پاکستان پبلک ٹرانسپورٹ اونرز فیڈریشن کے چیئرمین حاجی اکرم ذکی کی زیرِصدارت ہونے والے اجلاس میں کیا گیا۔
ٹرانسپورٹ اونرز فیڈریشن کے ترجمان نے نجی ٹی وی سے گفتگو کرتے ہوئے کہ کرایوں میں کمی روٹس کے حساب سے کی گئی، لاہور سے فیصل آباد، ملتان اور راولپنڈی روٹس پر 10 روپے جبکہ لاہور سے کراچی اور کوئٹہ سمیت دیگر لمبے روٹس پر 50 روپے فی مسافر یکطرفہ کرایہ کم کیا گیا ۔
