راولپنڈی(صباح نیوز)سیکیورٹی فورسز نے شمالی وزیرستان میں کارروائی کرتے ہوئے دو دہشت گردوں کو ہلاک کر کے ان کے قبضے سے اسلحہ و بارود برآمد کر لیا۔
آئی ایس پی آرکے مطابق 6 اور 7 اپریل کو شمالی وزیرستان میں سیکیورٹی فورسز اور دہشت گردوں کے درمیان فائرنگ کا تبادلہ ہوا۔اس سلسلے میں بتایا گیا کہ سیکیورٹی فورسز نے مثر طریقے سے دہشت گردوں کے ٹھکانے کے خلاف کارروائی کرتے ہوئے دو دہشت گردوں کو ہلاک کر کے ان سے اسلحہ اور دھماکا خیز مواد بھی برآمد کر لیا۔
بیان میں بتایا گیا کہ علاقے میں پائے جانے والے دوسرے دہشت گردوں کے خاتمے کے لیے آپریشن کیا جا رہا ہے کیونکہ پاکستان کی سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں
