کمالیہ(صباح نیوز)کمالیہ میں فوڈ سیفٹی ٹیم نے ملاوٹی دودھ بنانے والے چلر پر چھاپہ مار کر ملاوٹ شدہ دودھ تلف کردیا۔
ڈپٹی ڈائریکڑ عدنان حیدر کے مطابق موقع پر کی گئی ٹیسٹنگ اور لیب رپورٹ کے مطابق دودھ میں ملاوٹ ثابت ہوئی ہے۔
ڈپٹی ڈائریکٹر کا بتانا ہے کہ ملاوٹی دودھ کو موقع پر ہی تلف کر کے چلر و مشینری ضبط کرلی گئی اور مقدمہ درج کر کے ملزم کو گرفتار کرلیا گیا۔
عدنان حیدر کے مطابق صفائی ستھرائی کے ناقص انتظامات پر پروڈکشن بند کردی گئی ۔
