لاہور(صباح نیوز) پاکستان پیپلزپارٹی نے پشاور میں کھلی دھاندلی کے خلاف الیکشن کمیشن سے نوٹس لینے کا مطالبہ کر دیا۔
نائب صدر پیپلز پارٹی و سینیٹر شیری رحمان نے خیبر پختونخو ا بلدیاتی انتخابات پر ٹویٹ کرتے ہوئے کہا کہ پشاور کے 120 پولنگ سٹیشنز کے نتائج تاخیر سے جمع ہوئے، 50 پریذائیڈنگ آفیسرز نے نتائج رات 4 بجے کے بعد جمع کرائے، ای سی پی تفتیش کرے پریذائیڈنگ آفیسرز نے تاخیر کیوں کی، پشاور میں 30پریذائیڈنگ آفیسرز ابھی تک غائب ہیں، الیکشن کمیشن معلوم کرے 30 پریذائیڈنگ آفیسرز کہاں ہیں؟۔
انہوں نے کہا کہ پشاور میں ڈسکہ 2 کی نمائش ہو رہی ہے، صوبائی حکومت کا طریقہ واردات ڈسکہ والا ہی ہے، الیکشن کمیشن کو چاہئے اس کا جلد از جلد نوٹس لے، پشاور شہری علاقہ ہے، نتائج میں تاخیر اور پر یذائیڈنگ آفیسرز کا غائب ہونا قابل تشویش ہے۔
