نیلم (صباح نیوز)وادی نیلم کے علاقہ نگدر کناری کے مقام پرسیاحوں کی گاڑی حادثہ کا شکار ہوگئی،حادثے میں 4 افراد موقع پر ہی جاں بحق ہوگئے۔مقامی پولیس اورریسکیو حکام کا کہنا ہے کہ سیاحوں کی کارکو سڑک پرجمے کورے کی وجہ سے حادثہ پیش آیاجس کے بعد سیاحوں سے بھری کارسیکڑوں فٹ دوردریائے نیلم میں جاگری
،کارمیں سوار چاروں افراد موقع پر ہی جان کی بازی ہار گئے۔ مقامی لوگ اپنی مدد آپ سیاحوں کی گاڑی کو دریائے نیلم سے نکالنے کی کوششوں میں مصروف ہیں ،مقامی پولیس اور ریسکیو 1122 کے اہلکار بھی جائے حادثہ کی جانب روانہ ہوگئے۔
