راولپنڈی(صباح نیوز) اڈیالہ جیل میں 9مئی جی ایچ کیو حملہ کیس کی سماعت کے دوران شیخ رشید اور بانی پی ٹی آئی عمران خان کی ملاقات ہوئی ہے۔ اڈیالہ جیل میں کیس کی سماعت کے بعد میڈیا سے گفتگو میں شیخ رشید نے بتایا کہ عمران خان سے بڑے عرصے بعد ملاقات ہوئی، عمران خان نے گلے لگایا اور بوسہ لیا۔ شیخ رشید کا کہنا تھا کہ بانی پی ٹی آئی مجھے دیکھتے ہی میرے ساتھ بغل گیر ہوئے۔ انہوں نے کہا کہ عمران خان سے مل کر بہت خوشی ہوئی، ان سے کمرہ عدالت میں طویل گپ شپ ہوئی۔
