گھوٹکی (صباح نیوز)سندھ پنجاب اورسرحد ٹریفک کے لئے کھول دی گئی ۔ پولیس حکام کے مطابق سندھ سے پنجاب جانے اورپنجاب سے سندھ آنے والے دونوں ٹریک کھول دیئے گئے ۔
پولیس کے مطابق کئی گھنٹوں تک ٹریفک بند رہنے کے باعث روانی شدید متاثر ہے اور دونوں ٹریکس پر ٹریفک جام ہونے کے باعث گاڑیوں کی لمبی قطاریں ہیں۔پولیس کا بتانا ہے کہ ٹریفک کی بحالی کے لیے کوششیں جاری ہیں اور جلد مکمل ٹریفک بحال کر دی جائے گی۔ واضح رہے گزشتہ روز پی ٹی آئی کے احتجاج کے پیش نظر مختلف شاہراہوں کو بند کیا گیا تھا۔
