اسلام آباد(صباح نیوز)ہائیر ایجوکیشن کمیشن نے محققین کیلئے ریسرچ ایوارڈ 2024 کا اعلان کردیا جس کے مطابق 3 مختلف کیٹگریز میں یہ ایوارڈ دیئے جائیں گے۔ ریسرچ ایوارڈ 2024 کے سلسلے میں ایچ ای سی نے اخبارارات میں اشتہار کے زریعے درخواستیں بھی طلب کی ہیں ایچ ای سی ریسرچ ایوارڈز کمپیٹیشن میں شرکت کیلئے اپنی درخواستیں 17 دسمبر تک جمع کرائی جا سکیں گی۔
کمیشن نے ایوارڈ کیٹگریز میں پہلا ایوارڈ بیسٹ ریسرچر، دوسرا ایوارڈ بیسٹ ینگ ریسرچر اور تیسرا ایوارڈ بیسٹ پبلی کیشن کیلئے مقرر کیا ہے۔ بیسٹ ینگ ریسرچر کیلئے عمر کی بالائی حد 40 سال مقرر کی گئی ہے۔
