وانا(صباح نیوز)جنوبی وزیرستان میں نامعلوم افراد کی گاڑی پر فائرنگ سے ایک سی ٹی ڈی اہلکار سمیت 3 افراد جاں بحق ہوگئے۔
تفصیلات کے مطابق فائرنگ کا واقعہ جنوبی وزیرستان کے علاقے وانا اعظم ورسک روڈ پر پیش آیا، جہاں نامعلوم افراد نے گاڑی کو راکٹ سے نشانہ بنایا پھر فائرنگ شروع کردی، جس سے گاڑی میں سوار 3 افراد موقع پر جان کی بازی ہار گئے۔
جاں بحق ہونے والوں میں 2 شہری مصطفی اور یونس جبکہ ایک پولیس اہلکار عثمان شامل ہیں۔پولیس کے مطابق لاشوں کو پوسٹ مارٹم کے لئے وانا ہسپتا ل منتقل کردیا گیا جبکہ واقعہ کی مزید تحقیقات جاری ہیں۔
