راولپنڈی (صباح نیوز)سیکیورٹی فورسز نے جنوبی وزیرستان میں پاک افغان سرحد دہشتگردوں کی دراندازی کی کوشش کو ناکام بنادیا اور 2 مختلف کارروائیوں میں 6 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں پاک افغان سرحد پر دہشت گردوں کی نقل و حرکت دیکھی گئی۔آئی ایس پی آر نے بتایا کہ سیکیورٹی فورسز نے دہشتگردوں کی دراندازی کی کوشش کو ناکام بناتے ہوئے 6 دہشت گردوں کو ہلاک کردیا، جبکہ 3 زخمی بھی ہوئے۔
فوج کے شعبہ تعلقات عامہ کے مطابق دوسری کارروائی شمالی وزیرستان کے علاقے دوسالی میں کی گئی۔خفیہ اطلاعات کی بنیاد پر کیے گئے آپریشن میں ایک دہشتگرد احمد شاہ عرف انتظار ہلاک ہوا۔فوج کے شعبہ تعلقات عامہ نے بتایا کہ علاقے میں کلیئرنس آپریشن کیا جارہا ہے، سیکیورٹی فورسز ملک سے دہشتگردی کی لعنت کو ختم کرنے کے لیے پرعزم ہیں۔
