اسلام آباد(صباح نیوز) ڈائسپورا الائنس کے ایک وفد نے جمعہ کو کل جماعتی حریت کانفرنس آزاد جموں و کشمیر کے مرکزی دفتر کا دورہ کیا وفد میںچیرمین کشمیر کونسل ای یو علی رضا سید، ممبر کشمیر کمیٹی سعودی عرب سردار محمد اقبال اور چیر مین جموں کشمیر ڈیموکریٹک فورم فرانس سردار اخلاق احمد شامل تھے، وفد نے حریت قائدین سے مقبوضہ کشمیر کی تازہ صورتحال پر تبادلہ خیال اور عالمی سطح پر خاص کر کشمیر ڈائسپوراکی سرگرمیو ں کے حوالے سے بریف کیا
اس موقع پر علی رضا سید نے کہا کہ کل جماعتی حریت کانفرنس جموں کشمیر کے محکوم عوام کے اجتماعی جذبات، جدوجہد، مصائب اور قربانیوں کی نمائندگی کرتی ہے اور عام لوگوں میں اسے ایک اعلی مقام حاصل ہے۔انہوں نے شرکا کو اپنے ڈائسپورا میں کشمیر کے حوالے سے کام کے بارے میں بھی آگاہ کیا۔انہوں نے امید ظاہر کی کہ حریت کانفرنس کے نئے عہدیداران کشمیر کاز کے لیے انتھک اور خلوص سے کام کریں گے اور کشمیریوں کے حق خودارادیت کے حصول کی جدوجہد کو اجاگر کرنے کے لیے سیاسی اور سفارتی محاذوں پر ہر ممکن اقدام کریں گے۔ سردار محمد اقبال اپنے خطاب میں کہا کہ بھارت کا مکروح چہرہ دنیا میں عیاں ہو چکا ہے۔
کل جماعتی حریت کانفرنس کی مشاورت سے انٹرنیشنل سطح پر تحریک آزادی کشمیر کی جہدوجہد تیز کی جائیں گی ۔ سردار اخلاق احمد نے اپنے خطاب میں کہا تحریک آزادی کشمیر کے لیے اپنی تمام تر کوششیں جاری رکھیں گے اور ایک نئے لائحہ عمل کے ساتھ آگے بڑھنا ہو گا ۔کنوینئر غلام محمد صفی نے مہمانوں کا شکریہ اداکرتے ہوئے کہا کہ مقبوضہ کشمیر میں ہونے والے مظالم اور انسانی حقوق کی سنگین خلاف ورزیوں کو بین الاقوامی سطح پر اجاگر کرنے کے لیے ہمیں ذرائع ابلاغ اور سوشل میڈیا کا بہترین استعمال کرنا ہو گا۔ امریکا یورپ اور دیگر ممالک میں موجود کشمیری اور پاکستانی وہاں کے ذرائع ابلاغ میں مسئلہ کشمیر کو اٹھانے کے لیے اپنے تمام تر وسائل بروئے کار لائیں۔ عالمی اداروں کے پاس ہمیں بار بار جانا ہو گا۔ اور ان سے موثررابطے استوار کرنے کی ضرورت ہے ا نہوں نے تحریک آزادی کشمیر کے لیے متحد ہو کر جہدوجہد کرنے کے عزم کا اظہار کیا ۔ اس موقع پر محمود احمد ساغر، شیخ عبدلمتین،میر طاہر مسعود، شیخ محمد یعقوب، سید اعجاز رحمانی، چوہدری شاہین اقبال، راجہ خادم حسین،نثار مرزا، سید مشتاق، عبدلمجید لون، حاجی سلطان بٹ، شیخ عبدالماجد، میاں مظفر، منظور احمد ڈار، زاہد صفی ،، ثنا اللہ ڈار، محمد اشرف ڈار، ر ئیس میر، خالد شبیر،شوکت علی ابو زر، عبد المجید میر ،عبدا لطیف ڈار، اور امتیاز وانی نے بھی موجود تھے ۔۔
