کراچی(صباح نیوز)انٹر بینک میں ڈالر کی قدر میں مزید 4 پیسے کمی آئی ہے ۔ انٹر بینک اور اوپن مارکیٹ میں ڈالر کی قدر میں مزید کمی واقع ہوئی ہے جس کے بعد ڈالر 175.88پیسے پر ٹریڈ ہورہا ہے۔
تفصیلات کے مطابق کاروباری ہفتے کے دوسرے روز منگل کو انٹر بینک میں ڈالر کی قدر میں مزید4پیسے کمی آئی اور ڈالر 175روپے 88پیسے پر ٹریڈ کرنے لگا اور انٹرنیٹ بینک مارکیٹ میں 175.92پیسے پر بند ہوا۔
اوپن مارکیٹ میں ڈالر بلند سطح پر ٹریڈ کرتا رہا اور 177 روپے 50 پیسے پر فروخت ہوا۔یاد رہے کہ گزشتہ 8 ماہ میں ڈالر 25 روپے 72 پیسے مہنگا ہوچکا ہے۔ماہرین معیشت کا خیال ہے کہ ڈالر کی کمی کے اثرات تجارتی معاملات پر بھی پڑیں گے اور ڈالر سستا ہونے سے پاکستان کے بیرونی قرضوں میں بھی کمی آئے گی جب کہ مہنگائی کی شرح بھی کم ہوگی۔
