موسم کی تبدیلی،گلے کے امراض میں اضافہ

سرگودھا :سرگودھا اور گردونواح میں موسم کی تبدیلی کیساتھ ہی گلے کے امراض میں اضافہ دیکھنے میں آیا ،

گلے کی خرابی کے باعث کھانسی بخار سر درد جسم درد اور گلے میں خراش کی علامات کے باعث کئی سکولوں سے بچوں کو اس بنا پر چھٹی کروا دی جاتی ہے کہ انہیں نزلہ زکام اور کھانسی ہے اس ضمن میں ماہر امراض ناک کان گلہ ڈاکٹر محمد خلیل رانا نے کہا کہ احتیاط لازم ہے نزلہ زکام کھانسی اور بخار کی علامات میں بچوں کو سکول نہ بھجوائیں تاہم ہر نزلہ زکام کھانسی کرونا نہیں ہوتا

مزید پڑھیں: کورونا ایس او پیز پر عمل نہ کرنے پر 22 تعلیمی ادارے بند

موسم کی تبدیلی کی وجہ سے نزلہ زکام کھانسی کے امراض اس موسم میں عام ہوتے ہیں جن پر بروقت علاج اور احتیاط کرکے قابو پایا جاسکتا ہے ڈاکٹر محمد خلیل رانا نے کہا کہ چونکہ کرونا وائرس کی وجہ سے لوگ خوفزدہ ہیں اس لئے ایسے بچے جو ناک کان گلہ کی بیماریوں میں مبتلا ہیں وہ فوری طور پر اپنے ڈاکٹرز سے رابطہ کریں اور اس کا علاج کروائیں تاہم کھانسی کی صورت میں ناک اور منہ کو اچھی طرح ڈھانپ لیں تاکہ کھانسی اور زکام کیوجہ سے دوسرے لوگ متاثر نہ ہوں۔