میرپور(صباح نیوز)آزاد کشمیر کے شہر میرپور اور گرد و نواح میں اتوار کی شام زلزلے کے جھٹکے محسوس کیے گئے ہیں۔
نجی ٹی وی کے مطابق زلزلے کے جھٹکے میرپور آزاد کشمیر کے نواحی علاقوں جاتلاں اور خالق آباد میں زیادہ محسوس ہوئے ہیں۔زلزلے کے جھٹکے محسوس ہوتے ہی لوگوں کی بڑی تعداد گھروں و دکانوں سے توبہ استغفار اور کلمہ طیبہ کا ورد کرتے ہوئے باہر آگئی۔
مقامی اتنظامیہ، پولیس اور امدادی اداروں کے رضاکاروں کی بڑی تعداد زلزلے کے حوالے سے تفصیلات معلوم کرنے کی کوشش کررہی ہے۔
عالمی خبر رساں ایجنسی کے مطابق ایران، سعودی عرب، یواے ای میں بھی زلزلہ آیا ہے۔ یو اے ای میںزلزلے کی شدت ریکٹر اسکیل پر 6.7 ریکارڈ کی گئی ہے متحدہ عرب امارات میں زلزلے کی شدت 6.1 ریکارڈ ہوئی ہے۔ زلزلہ پیما مرکز کے مطابق زلزلے کے جھٹکے جنوبی ایران میں محسوس کیے گئے ہیں۔
