توشہ خانہ ٹو کیس،اڈیالہ جیل میں ہونے والی سماعت منسوخ

اسلام آباد(صباح نیوز) اسلام آباد کے سپیشل جج سینٹرل نے  اڈیالہ جیل میں ہونے والی توشہ خانہ ٹو کیس کی سماعت منسوخ کردی۔توشہ خانہ کیس  کی آخری سماعت 17 فروری کو ہوئی تھی جس کے بعد اڈیالہ جیل میں  ہونے والی سماعت منسوخ کردی گئی ۔ عدالتی عملے نے اسپیشل جج سینٹرل کی جانب سے سماعت منسوخی سے متعلق فیصلے سے  وکیل بانی پی ٹی آئی خالد یوسف چوہدری کو آگاہ کردیا ۔سماعت منسوخی پرپی ٹی آئی وکیل نے شکوہ کرتے ہوئے کہا کہ کبھی مقدمات کوتیزی سے چلایا جاتاہے تو کبھی سست کردیاجاتاہے ۔پی ٹی آئی وکیل نے کہا کہ  جب سزا سنانی ہوتو آدھی رات تک ٹرائل چلایا جاتا ہے۔