کراچی (صباح نیوز)متحدہ قومی موومنٹ پاکستان کے رہنما ڈاکٹرفاروق ستار نے کہا ہے کہ بجلی بلوں کو کم کرنے میں ان کی جماعت کا بڑا کردار ہے ،بجلی کی قیمت کم ہونے تاجر اور صنعتکاروں کی جانب سے شکریہ کے فون آئے۔
میڈیا سے گفتگو میں فاروق ستار نے کہا کہ گزشتہ روز وزیراعظم پاکستان نے بجلی کی قیمتوں میں مناسب کمی کا اعلان کیا، یہ کمی مختلف قسم کے صارفین کے لئے 12 سے 17 فیصد کی کمی ہے۔فاروق ستار نے کہا کہ یہ ایک بڑی سہولت ہے جو موجودہ حکومت نے دی ہے، ایم کیو ایم نے اس مخلوط حکومت میں شامل ہو کر 2 باتوں پر فوکس کیا، فوکس کیا کہ کس طرح ہم عوام کے لیے بجلی کے بلوں کو کم اور پانی کے مسائل کو حل کریں، ان دونوں معاملات میں ایم کیو ایم کا بڑا کردار ہے۔
فاروق ستار نے کہا کہ ہم نے یہ وعدہ کیا تھا کہ عید کے بعد بجلی کی قیمتوں میں 5 سے 10 روپے کمی آئے گی، امید ہے اگلے بجٹ میں شرح سود 12 سے کم ہو کر 9 فیصد تک آئے گی، لوگوں کو آسان قرضے مل سکیں گے، یہ ایک سال کے عرصے میں ایک نمایاں پیش رفت ہوئی ہے، اس کا اثر نچلی سطح فوری طور پر نہیں آئے گا۔فاروق ستار نے کہا کہ بجلی سستی ہونے سے صنعت ترقی کرے گی، عام تجارت اور کاروبار کو فائدہ ہو گا،
اس کمی میں ایم کیو ایم کا نمایاں کردار ہے۔ بجلی کی فی یونٹ قیمت میں مزید 6 روپے کمی کی گنجائش ہے، وزیراعظم سے مزید 6 روپے کم کرانے میں کامیاب ہوجائیں گے، کے فور منصوبہ آئندہ سال جولائی سے دسمبر میں مکمل ہوگا، وزیراعظم بڑے جلسے میں کے فور منصوبے کا اعلان کریں گے، کے فور کی لاگت پونے 200 ارب ہوگئی ہے، منصوبے پر 50 فیصد کام ہوچکا، باقی کے لیے 35 ارب مختص کروائے ہیں۔فاروق ستار نے کہا کہ مارچ میں مہنگائی میں ریکارڈ کمی ہوئی ہے، اسٹیٹ بینک دیکھے گا مہنگائی کم ہورہی ہے تو شرح سود بھی مزید کم ہوگا۔
