اسلام آباد(صباح نیوز)وفاقی وزیر صحت مصطفی کمال سے برطانوی ہائی کمشنر جین میریٹ نے ملاقات کی ۔برطانوی ہائی کمشنر جین میریٹ نے کہاکہ حکومت شہباز شریف کی قیادت میں صحت کے شعبے کی بہتری کے لیے بہت متحرک ہے حکومت نے ایک سال کے اندر جو اقدامات کیے ان کے اثرات عوام تک پہنچانا شروع ہو گئے ہیں۔
ترجمان وزارت صحت کے مطابق برٹش ہائی کمشنرنے مصطفی کمال کو وزارت کا عہدہ سنبھالنے پر مبارکباد اور نیک خواہشات کا اظہار کرتے ہوئے کہاکہ آپ کا بطور میئر کراچی کیا گیا کام ایک مثالی نمونہ ہے جسے دنیا قدر کی نگاہ سے دیکھتی ہے ہمیں امید آپ کے وسیع تجربے اور صلاحیتوں سے صحت کے شعبے میں نمایاں بہتری آئے گی۔
برطانوی ہائی کمشنر جین میریٹ نے کہاکہ حکومت شہباز شریف کی قیادت میں صحت کے شعبے کی بہتری کیلیے بہت متحرک ہے حکومت نے ایک سال کے اندر جو اقدامات کیے ان کے اثرات عوام تک پہنچانا شروع ہو گئے ہیں ۔ مصطفی کمال نے کہاکہ صحت کے شعبے میں برطانیہ کے تعاون سے جاری تمام منصوبوں پر پاکستانی قوم کی جانب سے برطانیہ کی حکومت کا شکریہ ادا کرتا ہوں یقین دلاتا ہوں صحت کے شعبے میں جاری منصوبوں کو مزیز مستحکم کریں گے ۔وزیر صحت نے ہیلتھ کے شعبے میں مستقبل کے پلان بارے آگاہ کرتے ہوئے کہاکہ ٹیلی میڈیسن ہمارا خواب ہے جدید ٹیکنالوجی سے استفادہ حاصل کریں گے پاکستان میں ڈاکٹرز اور دوا کو عوام کی دہلیز تک لائیں گے وزیر اعظم شہباز شریف کی قیادت میں پولیو کے خاتمے کے لیے پر عزم ہیں پاکستان میں ہیپاٹائیٹس سی کے خاتمے کے پروگرام کا پورے ملک میں شروع کیا جارہاہے
گلگت بلتستان میں ہیپاٹائیٹس سی کے خاتمے کا پائلٹ پروگرام کامیابی سے مکمل کیا ہے پاکستان میںہیپاٹاٹس سی کے ایک کروڑ دس لاکھ مریض ہیں پورے ملک میں ٹیسٹنگ اور سکریننگ کو یقینی بنارہے ہیں نرسنگ کے شعبے کو انٹر نیشنل معیار کے مطابق بنایا جارہاہے پاکستان میں نولاکھ نرسز کی کمی ہے دنیا بھر میں پچیس لاکھ نرسز کی ضرورت ہے نرسنگ کے شعبہ کو مضبوط بناکر پاکستان کی ڈیمانڈ کو بھی پورا کیا جایے گا بلکہ عالمی سطح پر نرسنگ کی ضروریات کو بھی پورا کیا جاسکے گا ۔برٹش ہائی کمشنر نے کہاکہ اس اقدام سے پاکستان کو قیمتی زرمبادلہ بھی حاصل ہوگا برٹش ہائی کمشنر نے وزیر صحت کی تائید کی اور ہر ممکن تعاون کا یقین دلایا۔
