اسلام آباد (صباح نیوز) وفاقی وزیر سردار محمد یوسف نے وزارت مذہبی امور و بین المذاہب ہم آہنگی کا چارج سنبھال لیا،وفاقی وزیر سردار محمد یوسف کی وزارت مذہبی امور آمد پرایڈیشنل سیکرٹری وزارت مذہبی امور سید عطا الرحمن نے وفاقی وزیر کااستقبال کیا
وفاقی وزیر کو وزارت مذہبی امور، وزارت کے ذیلی اداروں اور حج تیاریوں سے متعلق تفصیلی بریفنگ دی گئی ۔وفاقی وزیر سردار محمد یوسف نے کہا کہ حجاج کرام اور زائرین کی فلاح و بہبود کیلئے اقدامات کرنا اولین ترجیح ہے، حجاج کرام کے مسائل کو حل کرنے اور بہتر سہولیات مہیا کرنے کے لئے تمام اقدامات کریں گے۔
