اسلام آباد(صباح نیوز) صدر مملکت آصف علی زرداری سے پاکستان میں چین کے سفیر چیانگ زئے ڈونگ کی ملاقات۔ ملاقات میں دونوں برادر ممالک کے درمیان دوطرفہ تعاون بڑھانے پر تبادلہ خیال کیا گیا۔ سینیٹر سلیم مانڈوی والا اور سرکاری حکام کی بھی ملاقات میں موجود تھے۔ ملاقات کے دوران فریقین نے دو طرفہ اہمیت کے امور پر تبادلہ خیال کیا۔
چینی سفیر نے صدر مملکت کی صحت یابی پر خوشی کا اظہار کیا اور چینی قیادت کی جانب سے نیک خواہشات کا اظہار کیا۔چینی سفیر نے چینی صدر شی چن پنگ کی جانب سے صدر آصف علی زرداری کے لیے نئے سال کی مبارکباد کا کارڈ بھی پیش کیا گیا۔ چینی سفیر نے کہا امید ہے کہ صدر آصف علی زرداری دوطرفہ تعلقات مزید مضبوط بنانے کے لیے جلد چین کا دورہ کریں گے۔ چینی سفیر ملاقات میں مختلف شعبوں میں پاک،چین تعاون بڑھانے کے عزم کا اعادہ کیا گیا ۔
