کراچی (صباح نیوز)کراچی میں سائٹ سپر ہائی وے پر فائرنگ سے پاکستان تحریک انصاف کے رہنما حلیم عادل شیخ کا ڈرائیور جاں بحق ہوگیا۔ پولیس نے بتایا کہ وہ سپر ہائی وے پر فائرنگ کے واقعہ کی تحقیقات کررہی ہیں کہ آیا یہ واقعہ ڈکیتی مزاحمت کا ہے یا پھر ذاتی دشمنی کی وجہ سے پیش آیا،
پولیس کے مطابق لاش کو ضابطے کی کارروائی کے لیے ہسپتال منتقل کردیا گیا ۔پی ٹی آئی رہنما حلیم عادل شیخ نے کہا ہے کہ مقتول شاہ نواز ان کا ذاتی ڈرائیور تھا اور جو ایک طویل عرصے سے ان کے ساتھ تھا۔انہوں نے کہا کہ مقتول شاہ نواز کی عمر 45 سال تھی اور تعلق سانگھڑ سے تھا، اس سے قبل شاہ نواز کے والد کو بھی قتل کیا جا چکا ہے۔
