غزہ (صباح نیوز)اسرائیلی فورسز نے غزہ کی پٹی میں حملے تیز کر دئیے۔ عرب میڈیا کے مطابق نصیرات پناہ گزین کیمپ میں اسرائیلی بمباری سے 20 اور غزہ شہر میں 9 فلسطینی شہید ہو گئے۔
جبالیہ پناہ گزین کیمپ میں اسرائیلی فوج اور فلسطینی مزاحمت کاروں کے درمیان جھڑپیں بھی ہوئی ہیں جبکہ اسرائیلی فوج نے جنوبی غزہ میں اپنے 2 فوجیوں کی ہلاکت کا اعتراف کیا ہے ۔نصیرات پناہ گزین کیمپ حملے میں ملبے تلے دبے متعدد زخمی افراد کو باہر نکال لیا گیا ہے۔ عرب میڈیا کے مطابق لاپتہ افراد کی تلاش کے لیے امدادی کارروائیاں جاری ہیں۔
گزشتہ روز غزہ میں اسرائیلی حملوں میں 64 افراد شہید ہوئے تھے۔ رپورٹس کے مطابق 7 اکتوبر سے جاری اسرائیلی حملوں میں شہید فلسطینیوں کی تعداد 35 ہزار سے تجاوز کر چکی ہے۔ عرب میڈیا کے مطابق جبالیہ پناہ گزین کیمپ میں اسرائیلی فوج اور فلسطینی مزاحمت کاروں کے درمیان جھڑپیں بھی ہوئی ہیں جبکہ اسرائیلی فوج نے جنوبی غزہ میں اپنے 2 فوجیوں کی ہلاکت کا اعتراف کیا ہے۔
