اسلام آباد(صباح نیوز) وفاقی حکومت نے وفاقی کابینہ کا خصوصی اجلاس کل پارلیمنٹ ہاؤس میں طلب کرلیا گیا۔
وفاقی کابینہ 9 مئی کو یومِ سیاہ اور یوم یکجہتی شہدا کے طور پر منائے گی، سندھ، پنجاب اور بلوچستان اسمبلیوں کے اجلاس بھی کل طلب کرلیے گئے ہیں۔ پنجاب اسمبلی کے اجلاس میں سانحہ 9 مئی کی مذمتی قرارداد لائی جائے گی اور حکومت کی جانب سے آرڈیننس بھی پیش کیے جائیں گے۔
ذرائع کے مطابق بلوچستان اسمبلی کے اجلاس میں بھی سانحہ ن9 مئی سے متعلق قرارداد پیش کی جائے گی، جس میں سانحہ کے ذمہ داروں کو قرار واقعی سزا دینے کی استدعا کی جائے گی۔
واضح رہے کہ 9 مئی 2023 کو بانی پی ٹی آئی کی گرفتاری کے بعد ملک بھر میں پرتشدد فسادات کے نتیجے میں نمایاں بے امنی دیکھی گئی تھی۔ 9 مئی کو مشتعل افراد کی جانب سے ملک بھر میں مختلف مقامات پر عسکری تنصیبات پر حملے، جلا ؤگھیرا ؤاور مظاہرے کیے گئے تھے، اس دوران سیکڑوں افراد کو گرفتار کیا گیا تھا۔
