سوات (صباح نیوز)سوات میں زلزلے کے جھٹکے محسوس کئے گئے ،کوئی جانی یا مالی نقصان نہیں ہوا ۔
زلزلہ پیما مرکز کے مطابق سوات اور گرد و نواح میں زلزلے کے شدید جھٹکے محسوس کئے گئے، ریکٹر سکیل پر زلزلے کی شدت 4.9 ریکارڈ کی گئی، زلزلے کا مرکز پاک افغانستان تاجکستان کا سرحدی علاقہ تھا جبکہ زلزلے کی گہرائی 71 کلو میٹر تھی۔زلزلے کے بعد مقامی لوگوں میں شدید خوف و ہراس پھیل گیا اور کلمہ طیبہ کا ورد کرتے ہوئے گھروں سے باہر نکل آئے، زلزلے کے بعد ریسکیو اداروں کو ہائی الرٹ کر دیا گیا تاہم کسی قسم کے جانی یا مالی نقصان کی اطلاع سامنے نہیں آئی۔
