پھولنگر(صباح نیوز)پھول نگر میں ٹرالر کو کراس کرتے ہوئے موٹر سائیکل پھسل گئی جس کے نتیجے میں 3 افراد جاں بحق اور2 زخمی ہوگئے۔
تفصیلات کے مطابق پھول نگر میں اڈا سرائے چھینہ کے قریب موٹر سائیکل ٹرالر کو کراس کرتے ہوئے بے قابو ہوکر اس کے نیچے آگئی
خوفناک حادثے میں خاتون سمیت 3 افراد موقع پر ہی جاں بحق جبکہ 2افراد زخمی ہو گئے، جاں بحق ہونے والوں میں 35 سالہ ماں عابدہ بی بی 18 سالہ بیٹا عمران اور 4 سالہ بیٹی آمنہ شامل ہیں۔
ریسکیو حکام کے مطابق موٹر سائیکل سوار 5 افراد لاہور سے اوکاڑہ جارہے تھے اڈا سرائے چھینہ کے قریب حادثے کا شکار ہوگئے جبکہ ان کا تعلق دیپالپور سے بتایا گیا، لاشوں کو ٹراما سینٹر پھول نگر منتقل کردیا گیا ۔
