راولپنڈی(صباح نیوز)جنوبی وزیرستان کے علاقے سراروغہ میں سیکیورٹی فورسز اور دہشت گردوں کے درمیان جھڑپ، فائرنگ کے شدید تبادلے میں حوالدار عمر حیات بہادری سے لڑتے ہوئے شہید ہو گئے۔ پاک فوج دہشت گردی کے مکمل خاتمے کیلئے پرعزم ہے۔
پاک فوج کے شعبہ تعلقات عامہ (آئی ایس پی آر) کے مطابق جنوبی وزیرستان کے علاقے سراروغہ میں سیکیورٹی فورسز اور دہشت گردوں کے درمیان جھڑپ ہوئی، جس کے دوران فائرنگ کا شدید تبادلہ ہوا، سیکیورٹی فورسز نے موثر انداز میں دہشت گردوں کو جواب دیا، شدید فائرنگ کے تبادلے کے دوران کوہاٹ کے 39 سالہ حوالدار عمر حیات بہادری سے لڑتے ہوئے شہید ہوگئے۔ علاقے میں ممکنہ دہشت گردوں کے خاتمے کیلئے سرچ آپریشن بھی کیا گیا۔
ترجمان کے مطابق پاک فوج دہشت گردی کی لعنت کے خاتمے ختم کیلئے پرعزم ہے اور ہمارے بہادر جوانوں کی قربانیاں ہمارے عزم کو مزید مضبوط کرتی ہیں۔
