اسلا م آباد(صباح نیوز)مسلم لیگ ن کے رہنما اور وفاقی وزیر خزانہ اسحاق ڈار نے کہا ہے کہ عمران خان کو کرتوتوں پر اللہ سے معافی مانگنے چاہیے ، مجھ پر عمران خان نے کیس بنایا انٹر پول نے بھی کلین چٹ دی۔
اسلام آباد کی احتساب عدالت میں پیشی کے بعد میڈیا سے گفتگو کرتے ہوئے اسحاق ڈار نے کہا کہ میرے خلاف کیس جھوٹا ہے،مجھ پر عمران خان نے کیس بنایا انٹر پول نے بھی کلین چٹ دی،ٹی وی چینل نے جھوٹا الزام لگانے پر برطانیہ میں3 کروڑ ہرجانہ ادا کیا۔مران خان کے دور حکومت میں ان کا پاسپورٹ منسوخ کیا گیا تھا، ان کے خلاف بے بنیاد کیس بنایاگیا ،جس کی وجہ سے تکالیف برداشت کیں،میں نے پاکستان کے لیے خدمات سرانجام دی ہیں،میں نے کبھی اپنے ٹیکس گوشوارے جمع کرانے میں تاخیر نہیں کی،انتقام اس حد تک پہنچ چکا ہے کہ مجرم پھرتے ہیں اور شریف مشکلات کا سامنا کرتے ہیں۔عمران خان نے ملکی معیشت کو ناقابل تلافی نقصان پہنچایا،آج بھی اگر معاشی مشکلات ہیں تو یہ عمران خان کی وجہ سے ہیں،ا
سحاق ڈار نے کہا کہ عمران خان نے پاکستان کا وہ حال کیا جو کوئی دشمن بھی نہیں کرسکتا، انہوں نے نیا پاکستان کی عوام کیلئے بارودی سرنگیں بچھائیں ہیں،عمران خان اپنے کرتوتوں پر اللہ سے معافی مانگو،کچھ خدا کاخوف کریں اور پاکستان کو چلنے دیں۔پاکستان اس وقت مس مینجمنٹ کا شکار ہے، پاکستان میں معاشی استحکام کے لیے اقدامات کرنے ہوں گے،عمران خان ملک کو مزید مشکلات سے دوچار نہ کریں،عمران خان نے جاتے جاتے معیشت کو نقصان پہنچا یا ،وہ کہتے رہے ہیں کہ میں نے بارودی سرنگ بچھادی ہے،اسحاق ڈار نے کہا کہ غیر قانونی کام ہوتے رہے ہیں،میرے خلاف کیس کو 10منٹ میں ہوامیں اڑ جاناچاہیے تھا،میرے آنے سے پاکستان کے قرضوں میں کمی آگئی ہے۔
وزیر خزانہ نے کہا کہ وہ معیشت کو بحال کریں گے سب سے پہلے شرح سود کو نیچے لائیں گے،پاکستان کے 5سال ضائع ہو گئے اور ملک اب 30سال پیچھے جا چکا ہے،پاکستان ڈیفالٹ سے دور ہوگیاہے،کچھ دن دیں ،معیشت بہترکرنے کی کوشش کریں گے۔اسحاق ڈار نے کہا کہ جو کہہ رہے ہیں کہ ڈیل ہوئی ہے ان سے پوچھیں کہ مجھے پاسپورٹ کیوں نہیں دیا گیا،مفتاح اسماعیل نے اپنے تجرنے کی بنیاد پر معیشت بہترکرنے کی کوشش کی، ان کی وجہ سے پاکستان نادہندہ ہونے سے بچ گیا، وہ ہماری معاشی ٹیم کا حصہ رہیں گے،4سال کی خراب معیشت کو 6ماہ میں ٹھیک نہیں کیاجاسکتا،سیاست کو ایک طرف کرکے ملکی مفاد کے لیے کام کرنا ہوگا۔
اسحاق ڈار نے کہا کہ ن لیگ ملکی معیشت کو اچھی حالت میں چھوڑ کرگئی ،3دھرنوں کے باوجود ہم نے معیشت کو بہترکیا،عالمی معاشی اداروں نے ہمارے دور میں معاشی ترقی کا اعتراف کیا۔ماضی میں معیشت کے ساتھ جوکچھ ہوا سب جانتے ہیں،ہمارے دورمیں مستحکم معیشت کا گزشتہ حکومت نے بیڑہ غر ق کیا،ہمیں مشکل چیلنجز کا سامنا ہے ،ہم کام کریں گے ،کامیابی اللہ دے گا۔
اسحاق ڈار نے کہا کہ میں نے مارکیٹ میں ڈالر نہیں پھینکے ،الزامات بے بنیاد ہیں،ہمارے دورمیں معیشت اگر بہتر ہوئی تو وہ کامیاب حکمت عملی تھی،1999میں معاشی استحکام کو ن لیگ نے دوام بخشا۔پاکستانی کرنسی کے ساتھ کسی کوکھیلنے نہیں دیں گے ،روپیہ تگڑا ہورہاہے ،ڈالر کمزور ہوا،قرضوں کا بوجھ کم ہواہے،معاشی امور کو بہتر انداز میں سرانجام دیں گے،ہم نے ایٹمی دھماکے کئے تو دنیانے پابندیاں لگائیں۔
اس موقع پر ایک صحافی کی جانب سے پیٹرولیم مصنوعات کی قیمتوں بارے سوال کیا گیا جس پر انہوں نے جواب دیا کہ دو چار دن تو دو، ابھی پٹرول کی قیمتوں پر کچھ کہا نہیں جاسکتا۔خیال رہے کہ احتساب عدالت نے عدم حاضری کی بنیاد پر اسحاق ڈار کے دائمی وارنٹ گرفتاری جاری کر رکھے تھے جنہیں گزشتہ ہفتے معطل کر دیا گیا تھا اور عدالت نے حکم دیا تھا کہ انہیں وطن واپس پر گرفتار نہ کیا جائے۔
مسلم لیگ (ن )کے رہنما اور وفاقی وزیر خزانہ اسحاق ڈار آمدن سے زائد اثاثوں کے نیبے، عدالت نے ان کی درخواست پر نیب کو نوٹس جاری ریفرنس میں احتساب عدالت میں پیش ہو گئ کر دیا۔
قبل ازیں مسلم لیگ (ن )کے رہنما اور وفاقی وزیر خزانہ اسحاق ڈار آمدن سے زائد اثاثوں کے نیب ریفرنس میں احتساب عدالت کے جج محمد بشیر کے سامنے پیش ہوئے،عدالت نے ان کی درخواست پر نیب کو نوٹس جاری کر دیا
اس موقع پر اسحاق ڈار نے جج کے روبرو کہا کہ میں طبیعت خرابی کے باوجود پاکستان آنا چاہتا تھامگر عمران خان کی حکومت نے میرا پاسپورٹ کینسل کرا دیا تھا ۔
اسحاق ڈار نے کہا کہ دنیا بھر میں سفارت خانوں کو ڈائریکشن تھی کہ پاسپورٹ نہ دیا جائے، اب پاسپورٹ ملا ہے تو حاضر ہو گیا ہوں۔عدالت نے اسحاق ڈار کی درخواست پر نیب کو نوٹس جاری کر دیا۔اسلام آباد کی احتساب عدالت نے اسحاق ڈار کو 7اکتوبر کو دوبارہ طلب کر لیا۔
عدالت نے اپنے حکم میں کہا کہ وارنٹ کی منسوخی کی درخواست اثاثہ جات ریفرنس کے ساتھ سنیں گے۔ اسحاق ڈار کو احتساب عدالت میں گزشتہ روز پیش ہونا تھا تاہم جج محمد بشیر کے چھٹی پر ہونے کی وجہ سے وہ پیش نہیں ہوئے تھے۔
اسلام آباد کی احتساب عدالت نے اسحاق ڈار کے دائمی وارنٹِ گرفتاری 7اکتوبر تک معطل کر رکھے ہیں۔عدالت نے تحریری حکم میں کہا تھا کہ ملزم اسحاق ڈار خود عدالت میں پیش ہونا چاہتے ہیں تو انہیں ایک موقع دیا جانا ضروری ہے۔عدالت نے تحریری آرڈر میں لکھا کہ اسحاق ڈار کے وارنٹس ان کی عدالت میں حاضری یقینی بنانے کے لیے ہی تھے۔
