اسلام آباد(صباح نیوز)پاک بحریہ کی جانب سے سیلاب سے متاثرہ علاقوں میں ریلیف آپریشن جاری ہے جس کے دوران سول انتظامیہ کی معاونت بھی کی جارہی ہے۔
ترجمان پاک بحریہ کے مطابق پاک بحریہ کی جانب سے حالیہ بارشوں اور سیلاب سے متاثرہ سندھ اور بلوچستان کے مختلف علاقوں میں ریلیف آپریشن جاری ہے۔
ترجمان نے بتایا کہ پاک بحریہ کی جانب سے ریلیف آپریشن کے دوران سول انتظامیہ کی معاونت کی جارہی ہے۔
پاک بحریہ کے ترجمان نے کہا کہ زمینی راستہ منقطع ہونے کی وجہ سے پاک بحریہ کے ہیلی کاپٹرز نے بلوچستان کے ضلع لسبیلہ کے مختلف علاقوں میں راشن اور دیگر ضروری سامان پہنچایا گیا۔
ترجمان پاک بحریہ کے مطابق پاک بحریہ مشکل کی اس گھڑی میں سیلاب زدہ علاقوں کے عوام کو ہر ممکن مدد فراہم کرنے کیلئے کوشاں ہے۔
