دبئی (صباح نیوز)آئی سی سی نے چیمپئنز ٹرافی 2025 کے شیڈول کا اعلان کردیا۔ میگا ایونٹ 19 جنوری سے کراچی میں شروع ہوگا جس میں 8 ممالک کے درمیان 15 میچز کھیلے جائیں گے، پاکستان اور بھارت کا ہائی وولٹیج ٹاکرا 23فروری کو دبئی میں ہوگا۔ گروپ اے میں پاکستان، بھارت، نیوزی لینڈ اور بنگلادیش شامل ہیں۔ گروپ بی میں آسٹریلیا، انگلینڈ، افغانستان اور جنوبی افریقہ موجود ہیں۔ ٹورنامنٹ کا پہلا سیمی فائنل 4مارچ کو دبئی میں کھیلا جائے گا جبکہ دوسرا سیمی فائنل 5مارچ کو لاہور میں ہوگا۔ چیمپئنز ٹرافی کا فائنل 9مارچ کو لاہور میں کھیلا جائے گا تاہم اگر بھارت نے فائنل کیلئے کوالیفائی کیا تو میچ دبئی میں ہوگا۔
فائنل کیلئے 10مارچ کا دن ریزروے ڈے رکھا گیا ہے۔ آئی سی سی چیمپئنز ٹرافی 2025 ء کا شیڈول درج ذیل ہے۔19فروری پاکستان بمقابلہ نیوزی لینڈ (کراچی، پاکستان)،20 فروری بنگلہ دیش بمقابلہ بھارت (دبئی)،21فروری افغانستان بمقابلہ جنوبی افریقہ(کراچی، پاکستان)،22 فروری آسٹریلیا بمقابلہ انگلینڈ (لاہور، پاکستان)، 23فروری پاکستان بمقابلہ بھارت (دبئی)،24 فروری بنگلہ دیش بمقابلہ نیوزی لینڈ (راولپنڈی، پاکستان)،25 فروری آسٹریلیا بمقابلہ جنوبی افریقہ(راولپنڈی، پاکستان)،26 فروری افغانستان بمقابلہ انگلینڈ (لاہور، پاکستان)،27 فروری پاکستان بمقابلہ بنگلہ دیش (راولپنڈی، پاکستان)،28 فروری افغانستان بمقابلہ آسٹریلیا (لاہور، پاکستان)،1 مارچ جنوبی افریقہ بمقابلہ انگلینڈ (کراچی، پاکستان) 2 مارچ نیوزی لینڈ بمقابلہ بھارت (دبئی)،4 مارچ سیمی فائنل (1دبئی)5 مارچ سیمی فائنل( 2لاہور، پاکستان)،9 مارچ فائنل (لاہور، پاکستان) کھیلا جائے گا۔
