لاہور(صباح نیوز) پی ٹی آئی کی جانب 24 نومبر کی احتجاجی کال کے پیش نظر لاہور کے تمام داخلی و خارجی راستے کنٹینرز لگا کر بند کر دیئے گئے ۔لاہور سے دیگر شہروں کو جانے والی موٹرویز کو بند کر دیا گیا ہے،
بابو صابو کو بھی کنٹینرز اور بیرئیر لگا کر بند کر کے پولیس کی بھاری نفری تعینات کر دی گئی ۔ لاہور سے اسلام آباد جانے والی موٹر وے بھی بند ہے، بند روڈ پر واقع تمام بس اڈے بھی بند کر دیئے گئے ، لاہور رنگ بھی ٹریفک کے لئے بند ہے۔جی ٹی روڈ کو جہلم کے مقام سے بند کیا گیا، موٹرویز کے بارے میں کہا گیا کہ مرمتی کام کی وجہ سے بند کی گئیں ، موبائل فون سروس اور انٹرنیٹ سروس مکمل طور پر فعال ہے۔
