اسلام آباد(صباح نیوز)پاکستان ٹورازم اینڈ ہاسپی ٹیلیٹی انویسٹمنٹ سمٹ و سمارٹ ایکسپو 15 فروری 2025 کو لندن میں منعقد ہوگی ۔پاکستان ایسوسی ایشن آف ایگزی بیشن انڈسٹری (پائی )کے چیئرمین فہد برلاس نے بتایا کہ ٹورازم انڈسٹری اور اس سے وابستہ شعبہ جات کے فروغ کے لیے پائی کے زیر اہتمام پاکستان ٹورازم اینڈ ہاسپی ٹیلیٹی انویسٹمنٹ سمٹ و سمارٹ ایکسپو 15 فروری 2025 کو لندن میں منعقد ہوگی۔
اس موقع پر سیاحتی انڈسٹری سے منسلک ادارے شریک ہوں گے اور پاکستان میں سیاحتی مقامات بارے آگاہی کے لیے خصوصی سیشنز بھی منعقد ہوں گے ۔فہد برلاس نے کہاکہ یہ ایکسپو ملکی سطح پر سیاحت کے فروغ میں بے حد معاون ثابت ہوگی۔
