لاہور(صباح نیوز)وزیراعلیٰ پنجاب مریم نواز نے کہا ہے کہ اشیا ئے خور دو نوش کے نرخ مزید نیچے آئیں گے۔
مختلف اضلاع کے ارکان صوبائی اسمبلی سے ملاقات کرتے ہوئے انہوں نے کہا کہ پنجاب کے کاشتکاروں کیلئے بڑا کسان کارڈ پراجیکٹ لا رہے ہیں، گندم خریداری میں گھپلے ہوتے تھے،اب ڈائریکٹ کسان کو سبسڈی دیں گے،پرائس کنٹرول اور دیگر امور کیلئے الگ سسٹم بنا رہے ہیں۔شہروں میں ہائبرڈ بسیں لا رہے ہیں،نوجوانوں کو موٹر سائیکل دیں گے،کچھ لوگ کہتے تھے ہم آلو پیاز کیلئے حکومت میں نہیں آئے، دو سے چار مرلے کے پلاٹ پر گھر بنانے کیلئے قرضے کی تجویز زیر غور ہے،وفاق کو زرعی مشینری اور ٹریکٹر پرامپورٹ ڈیوٹی کم کرنے کی تجویز پیش کی ہے۔
