اسلام آباد(صباح نیوز) اسلام آباد ہائیکورٹ نے ڈاکٹر عا فیہ صدیقی کیس کی سماعت 6مئی تک ملتوی کردی۔پیر کو اسلام آباد ہائی کورٹ نے ڈاکٹر عافیہ صدیقی رہائی اور وطن واپسی سے متعلق کیس کی سماعت جسٹس سردار اعجاز اسحاق خان نے کی، عدالت کو آگاہ کیا گیا کہ ڈاکٹر عافیہ کے امریکہ میں وکیل مسٹر کلائیو سمتھ 4 مئی کو پاکستان آرہے ہیں۔ ، نئے تعینات ایڈیشنل اٹارنی جنرل عمر اسلم پیش نہ ہو سکے،
دوران سماعت عدالت نے عمران شفیق ایڈووکیٹ کی کلائیو سمتھ سے مشاورت کے لیے وقت مانگنے کی استدعا منظور کر لی۔ڈاکٹر عافیہ صدیقی کی رہائی اور وطن واپسی سے متعلق کیس کی سماعت کے دوران وکیل عمران شفیق ایڈوکیٹ نے عدالت کو آگاہ کیا کہ ڈاکٹر عافیہ صدیقی کے امریکہ میں وکیل مسٹر کلائیو سمتھ 4 مئی کو پاکستان آرہے ہیں، انہوں نے استدعا کی کہ کلائیو سمتھ کی پاکستان آمد تک اگلی سماعت 6 مئی کو رکھ لی جائے۔عدالت نے لا افسرا ور وزارت خارجہ حکام سے استفسار کیا کہ آپ کو اعتراض تو نہیں، لا افسر نے جواب دیا کہ ہمیں اعتراض نہیں، بعد ازاں عدالت نے عافیہ صدیقی سے متعلق کیس کی سماعت 6 مئی تک ملتوی کردی۔
