غیر قانونی مقیم غیر ملکی باشندوں کے انخلا کی مہم جاری

لاہور (صباح نیوز)غیر قانونی مقیم غیر ملکی باشندوں کے انخلا کی مہم جاری ہے ،لاہور سمیت صوبہ بھر سے اب تک 9576 غیر قانونی مقیم افراد وطن واپس بھجوائے جا چکے ہیں ۔ آئی جی پنجاب ڈاکٹر عثمان انور نے کہا کہ مہم کے دوران 10136 سے زائد غیر قانونی مقیم باشندوں کو ہولڈنگ سنٹرز پہنچایا گیا ہے،  560 غیر قانونی مقیم افراد ہولڈنگ پوائنٹس پر موجود ہیں، لاہور میں 05، صوبہ بھر میں 46 ہولڈنگ سنٹرز قائم ہیں، دیگر ممالک کی طرح انٹرنیشنل  قوانین کے تحت ڈی پورٹیشن پالیسی پر عمل پیرا ہیں، وفاقی حکومت، حساس ادارے غیر قانونی مقیم باشندوں کی ڈی پورٹیشن مہم کی مانیٹرنگ کر رہے ہیں، تمام غیر قانونی مقیم شہریوں کا انخلا یقینی بنا رہے ہیں، سکیورٹی ہائی الرٹ ہے، انخلا کے عمل کے دوران ہیومن رائٹس کو مکمل طور پر مدنظر  رکھا جا رہا ہے، سی سی پی او لاہور، آر پی اوز، ڈی پی اوز غیر قانونی مقیم غیر ملکی تارکین کے انخلا کے عمل میں تیزی لائیں، سپیشل برانچ، سی ٹی ڈی، سکیورٹی اداروں، انٹیلی جنس بیسڈ انفارمیشن کے ذریعے غیر قانونی مقیم غیر ملکیوں کی نشاندہی کی جا رہی ہے۔