لاہور(صباح نیوز) شریف اللہ نے صوبائی الیکشن کمشنر پنجاب کے عہدے کا چارج سنبھال کر کام شروع کردیا۔الیکشن کمیشن آف پاکستان کے اعلامیے کے مطابق شریف اللہ کو بطور صوبائی الیکشن کمشنر پنجاب تعینات کردیا گیا ہے، انہوں نے دفتر صوبائی الیکشن کمشنر پنجاب، لاہور میں اپنے عہدے کا چارج سنبھال کر کام شروع کردیا ہے،
دفتر صوبائی الیکشن کمشنر پنجاب کے افسران و سٹاف نے صوبائی الیکشن کمشنر کا استقبال کیا اور انہیں تمام تر دفتری امور کی احسن طریقے سے انجام دہی میں بطور ٹیم اپنے تعاون کی یقین دہانی کرائی۔ واضح رہے کہ شریف اللہ اس سے پہلے صوبائی الیکشن کمشنر سندھ، پنجاب اور الیکشن کمیشن سیکریٹریٹ اسلام آباد میں دیگر اہم پوسٹوں پر بھی تعینات رہ چکے ہیں۔
