لاہور(صباح نیوز)سیکرٹری جنرل جماعت اسلامی امیر العظیم نے بدترین حالات کے باوجود کامیابی پر تحریک انصاف کو مبارکباد دی ہے۔منصورہ سے جاری بیان میں انھوں نے کہا کہ اداروں اور عدالتوں کے برعکس عوامی فیصلہ تحریک انصاف کے حق میں آ چکا ہے جس کا احترام کیا جانا چاہیے۔ انھوں نے کہا کہ اندرون سندھ کے دور دراز علاقوں کے نتائج آتے رہے تاہم کراچی کے رزلٹ کو روک کر ایم کی ایم کو نوازنے کی پرانی تاریخ دہرائی گئی۔
انھوں نے کہا کہ چیف الیکشن کمیشن کو فون سروس بحال کروانی چاہیے تھی یا پھر استعفیٰ دینا چاہیے تھا لیکن وہ تاحال ڈھٹائی کا مظاہرہ کرتے ہوئے اپنے منصب پر موجود ہیں۔ انتخابات کے دوران ووٹنگ تو درست ہوتی رہی لیکن جن حلقوں میں گنتی کے دوران دھاندلی ہوئی اور بعد میں جن کے نتائج تبدیل کیے گئے، انہیں فوری طور پر درست کیا جائے۔
