اسلام آباد (صباح نیوز) پاکستان میں ایرانی سفیر رضا امیری مقدم نے پاکستان کی حکومت اور عوام کو بانی پاکستان قائد اعظم محمد علی جناح کے یوم پیدائش پر مبارکباد پیش کی ہے ۔قائد اعظم محمد علی جناح کے یوم پیدائش پر پیغام میں ایرانی سفیر نے کہا کہ میں قائد اعظم محمد علی جناح کی سالگرہ پر پاکستان کی حکومت اور عوام کو مبارکباد پیش کرتا ہوں ،پاک سرزمین جو آج اسلامی دنیا میں ایک موثر کردار ادا کر رہی ہے، یہ عظیم فلاسفر علامہ اقبال کی فکری قیادت اور قائد اعظم کی سیاسی کوششوں کا نتیجہ ہے۔یہ دونوں متاثر کن شخصیات پاکستان کی عظیم قوم کی آزادی، اتحاد اور ایمان کی علامت ہیں۔
