فردوس شمیم نقوی کی ضمانت میں28دسمبرتک توسیع


کراچی:سندھ ہائی کورٹ نے حبیب گروپ آف کمپنیز کو 2006 میں 30 سالہ لیز پر دینے سے متعلق پی ٹی آئی رہنما فردوس شمیم نقوی کی ضمانت میں 28 دسمبر تک توسیع کردی۔

سندھ ہائی کورٹ میں پی ٹی آئی رینما فردوس شمیم نقوی کی نیب تحقیقات کے خلاف درخواست پر سماعت ہوئی۔ درخواست گزار کے وکیل کی جانب سے موقف اختیار کیا گیا کہ میرے موکل بیمار ہیں، عدالت نے فردوس شمیم نقوی کی غیر حاضری کی درخواست منظور کرلی۔

نیب پراسیکیوٹر کا کہنا تھا کہ نیب سول ایوی ایشن اتھارٹی حکام کے خلاف تحقیقات کر رہا ہے، فردوس شمیم نقوی کو بطور بورڈز آف ڈائریکٹر آف حبیب گروپ نوٹس بھیجا گیا، تحقیقات مکمل کرنے کے لیے مزید مہلت دی جائے۔ درخواست گزار کے وکیل کی جانب سے موقف اختیار کیا گیا تھا کہ نیب نے فردوس شمیم نقوی کو طلبی کے لئے دوبارہ نوٹس بھیجا ہے ،

نیب حبیب گروپ آف کمپنیز کو زمین کی الاٹمنٹ کے معاملے پر تحقیقات کررہا ہے، حبیب گروپ آف کمپنیز کو 2006 میں 30 سالہ لیز پر زمین الاٹ کی گئی تھی ، ?2006 فردوس شمیم نقوی حبیب گروپ آف کمپنیز کے ڈائریکٹر تھے ،نیب نے فردوس شمیم نقوی کو بھی طلب کیا ہے خدشہ ہے کہ گرفتار نہ کرلیا جائے۔عدالت نے نیب کو مزید مہلت دیتے ہوئے سماعت 28 دسمبر تک ملتوی کردی ہے۔