کورونا وائرس:ملک بھرمیں مزید54افراد جاں بحق،3113نئے کیسز رپورٹ


اسلام آباد:ملک بھرمیں عالمی وباء کوروناوائرس سے مزید 54مریض انتقال کر گئے جس کے بعد ملک میں کوروناوائرس سے انتقال کرنے والے مریضوں کی تعداد7897تک پہنچ گئی۔

گذشتہ 24گھنٹوں کے دوران ملک میں کوروناوائرس کے 3113نئے کیسز رپورٹ ہوئے جس کے بعد پاکستان میں کوروناوائرس سے متاثرہ مریضوں کی تعداد تین لاکھ 89ہزار311تک پہنچ گئی جبکہ ملک میں تین لاکھ 35ہزار881مریض مکمل طور پر صحتیاب ہو چکے ہیں۔

مزید پڑھیں:کوروناوائرس کو مینج کرنا حکومت کا کام ہے،شاہد خاقان

نیشنل کمانڈ اینڈ آپریشن سینٹر(این سی اوسی)کی جانب سے جمعہ کے روز کوروناوائرس کے حوالہ سے جاری تازہ اعدادوشمار کے مطابق پاکستان میں اس وقت کوروناوائرس کے2112مریضوں کی حالت تشویشناک ہے۔ ملک میں کوروناوائرس سے انتقال کرنے والے مریضوںکی شرح دو فیصد جبکہ صحتیاب ہونے والے مریضوں کی شرح86.3فیصد تک پہنچ گئی ۔ گذشتہ24گھنٹوں کے دوران کوروناوائرس کے 1489مریض صحتیاب ہو کرگھروں کو چلے گئے۔

پاکستان میں کوروناوائرس کے فعال کیسز کی تعداد تیزی سے بڑھنے کا سلسلہ جاری ہے اور یہ تعداد45533تک پہنچ گئی۔ صوبہ سندھ کوروناوائرس کے کل رپورٹ ہونے والے کیسز، فعال کیسز اور صحتیاب ہونے والے مریضوں کی تعداد کے اعتبار سے ملک بھر میں پہلے نمبر پرہے جبکہ صوبہ پنجاب دوسرے نمبر پر ہے۔

صوبہ پنجاب کوروناوائرس سے انتقال کرنے والے مریضوں کی تعداد کے اعتبارسے ملک بھر میں پہلے نمبر پر ہے جبکہ صوبہ سندھ دوسرے نمبر پر ہے۔ وفاقی دارالحکومت اسلام آباد کوروناوائرس کے فعال کیسز کے اعتبار سے ملک بھر میں تیسرے نمبر پر ہے۔اسلام آباد میں کوروناوائرس کے کیسز کی تعداد5917تک پہنچ گئی۔

صوبہ سندھ میں کوروناوائرس کے فعال کیسز کی تعداد17586،صوبہ پنجاب میں کوروناوائرس کے فعال کیسز کی تعداد16024جبکہ صوبہ خیبر پختونخوا میں کوروناوائر س کے فعال کیسز کی تعداد3735جبکہ صوبہ بلوچستان میں کوروناوائرس کے فعال کیسز کی تعداد 629،آزادجموں وکشمیر1460جبکہ گلگت بلتستان میں کوروناوائرس کے فعال کیسز کی تعداد183تک پہنچ گئی جو ملک بھر میں سب سے کم ہے۔

این سی او سی کے مطابق اسلام آباد میں کورونا وائرس کے کیسز کی تعداد28 ہزار980تک پہنچ گئی، خیبرپختونخوا46 ہزار281، سندھ ایک لاکھ 68 ہزار783، پنجاب ایک لاکھ 17 ہزار160، بلوچستان 17 ہزار8، آزاد کشمیرمیں6ہزار501 اور گلگت بلتستان میں 4 ہزار 598 افراد کورونا سے متاثر ہوچکے ہیں۔کورونا کے سبب سب سے زیادہ اموات پنجاب میں ہوئی ہیں جہاں 2 ہزار945افراد جان کی بازی ہار چکے ہیں۔

سندھ میں 2 ہزار885، خیبر پختونخوا ایک ہزار346، اسلام آباد305، گلگت بلتستان96، بلوچستان میں 165 اور آزاد کشمیر میں155 افراد جان کی بازی ہار چکے ہیں۔ملک بھر میں اب تک 53 لاکھ 86 ہزار 916 افراد کے ٹیسٹ کئے گئے، گذشتہ 24 گھنٹوں کے دوران 43 ہزار 214 نئے ٹیسٹ کئے گئے۔این سی او سی کے مطابق پاکستان میں کورونا وائرس کی دوسری لہرشروع ہو چکی ہے اور اس سے نمٹنے کے لیے ایس اوپیز پر سختی سے عملدآمد کرنا ہو گا۔حکومت پاکستان نے 16 بڑے شہروں میں 31جنوری2021 تک سخت پابندیاں نافذ کر رکھی ہیں اور پورے میں تعلیمی ادارے ایک بار پھر بند کر دیئے گئے ہیں۔

ملک بھر کے ہسپتالوں کو 2811 آکسیجن بیڈز فراہم کیے گئے ۔ ہسپتالوں میں 13ہزار آکسیجن سلنڈرز دیئے جاچکے ہیں۔صوبائی حکومتوں کو ہدایت کی گئی کہ بازاروں، شاپنگ مالز، پبلک ٹرانسپورٹ، ریسٹورنٹس میں ایس او پیز اور ماسک کو لازم قرار دیں۔شہری گھروں سے باہر نکلتے وقت ماسک لازمی پہنیں۔ حکومتی اور نجی سیکٹرز کے دفاتر میں کام کرنے والوں کے لیے ماسک پہننا لازم ہے۔ZS