نوشہرہ سیکٹر میں بھارتی فوج کا ایک حوالدار ہلاک جبکہ دوسرا اہلکارزخمی


 سری نگر: ضلع راجوری میں نوشہرہ سیکٹر میں لائن آف کنٹرول کے نزدیک بھارتی فوج کا ایک حوالدار ہلاک جبکہ دوسرا  اہلکارزخمی ہوگیا ہے۔   بھارتی فوجی اہلکار  ہفتے کو لام علاقے  میں کراس ایل اوسی فائرنگ کا نشانہ بنا ہے ۔

کے پی آئی  کے مطابق  بھارتی فورسز نے جنوبی کشمیر میں نہتے شہریوں کے خلاف محاصرے اور تلاشی کاروائیوں  میں دو نوجوانون کو گرفتار کر لیا ہے ۔ضلع پلوامہ کے اونتی پورہ  علاقے میں  بلال احمد چوپان ساکن واگڈ ترال اور مرسلین ساکن چھتلم پامپور  کو گرفتار کر لیا گیا ہے ۔

مزید پڑھیں:مقبوضہ کشمیر کی حقیقی تصویر دنیا کو دکھانے پرفہد شاہ کے لیے آر ایس ایف پریس فریڈم ایوارڈ

پولیس نے غیر  قانونی سرگرمیوں  کے الزام میں  بلال احمد چوپان اور مرسلین کے خلاف مقدمہ درج کر دیا ہے ۔  بھارتی فورسز نے دعوی کیا ہے کہ کولگام، اننت ناگ شاہرا ہ پر  بارودی سرنگ کو ناکارہ بنادیا گیا