چین’ایک رات میں دریا کے پانی کا رنگ تبدیل، شہری خوفزدہ


بیجنگ:چین میں ایک دریا اچانک گہرے سبز رنگ کا ہوگیا جسے دیکھ کر شہری خوفزدہ ہوگئے۔چین کے وسطی صوبے ہیبی کے شہری رات کو سو کر صبح اٹھے تو انہوں نے یماو نامی دریا کو گہرے سبز رنگ کا پایا۔

دریا کے پانی کا رنگ تبدیل ہونے کی خبر جنگل میں آگ کی طرح پورے ملک میں پھیل گئی جس کے بعد حکومت نے نوٹس لیا اور متعلقہ محکمے کو تحقیقات کے لیے بھیجا۔متعلقہ محکمے کے افسران نے شہریوں کو اطمینان دلاتے ہوئے کہا کہ دریا کے پانی کی رنگت تبدیل ہونا کوئی خوفناک واقعہ نہیں ہے کیونکہ اس میں زہریلی گیس کا پانی شامل ہوا جس کی وجہ سے رنگت تبدیل ہوگئی۔

مزید پڑھیں:  بھارت کی نیو انڈیا بیانیے کی آڑ میں پاکستان اور چین کو دھمکی

مقامی حکام نے نمونے حاصل کرکے پانی کا ٹیسٹ بھی کیا جس میں یہ بات سامنے آئی کہ دریا میں فلورسین سوڈیم نامی زہریلی گیس کا پانی شامل ہوا جس نے دریا کی رنگت کو تبدیل کیا۔