عمران خان کی کوشش ہے پاکستان ڈیفالٹ کر جائے،رانا ثناء اللہ


اسلام آباد(صباح نیوز)وفاقی وزیرِ داخلہ رانا ثناء اللہ نے کہاہے کہ عمران خان کی کوشش ہے پاکستان سیاسی عدم استحکام کا شکار ہو کر ڈیفالٹ کر جائے۔

ایک نجی ٹی وی سے گفتگو کرتے ہوئے رانا ثناء اللہ نے کہا ہے کہ الیکشن کا وقت آئین پاکستان میں مقرر ہے، آئین کے مطابق الیکشن کرائے جائیں گے۔

وزیرِ داخلہ نے کہا کہ ہمیں امریکی ڈالر کو آزاد کرنے اور پیٹرولیم مصنوعات کی قیمتیں بڑھانے کا شوق نہیں ہے۔

رانا ثناء اللہ نے کہا کہ پاکستان تحریکِ انصاف(پی ٹی آئی)نے آئی ایم ایف سے غلط معاہدہ کیا تھا۔