اوگرا کا پیٹرول پمپس کی بندش کیخلاف کارروائی کا فیصلہ


اسلام آباد(صباح نیوز)آئل اینڈ گیس ریگولیٹری اتھارٹی (اوگرا)نے مختلف شہروں میں پیٹرول پمپس کی بندش کے معاملے پر پمپس کے خلاف کارروائی کا فیصلہ کر لیا۔

اوگرا حکام نے کہا کہ پٹرول پمپ بند رکھنے والوں کے لائسنس منسوخ کئے جائیں گے۔

حکام نے کہا ہے کہ اس ضمن میں صوبائی چیف سیکرٹریز کے ذریعے ضلعی انتظامیہ کی مدد حاصل کی جا رہی ہے۔

اوگرا حکام نے کہا کہ  پٹرول پمپس کی بندش کے معاملے کو جلد نمٹایا جائے گا۔